Rusiyalı döyüşçü UFC-dən kənarlaşdırılıb

34 yaşlı rusiyalı MMA döyüşçüsü Rinat Fəhretdinov, yarımorta çəkidə çıxış edən UFC döyüşçüsü, təşkilatın rosterindən çıxarılıb.

90deqiqe.Az xəbər verir ki, promosyon idmançı ilə müqaviləni yeniləməyib, baxmayaraq ki, onun statistikasına görə UFC-də 7 döyüşdə 6 qələbə və 1 heç-heçə nəticəsi var idi.

Peşəkar karyerası ərzində Fəhretdinov 26 döyüş keçirib: 24 qələbə, 1 heç-heçə və 1 məğlubiyyət. UFC-dəki son üç döyüşündə isə döyüşçü ardıcıl qələbələr qazanıb. Sonuncu görüşünü 2025-ci ilin sentyabrında keçirmiş, İsveçli Andreas Qustafssonu birinci raundda nokautla məğlub etmişdi.