Ramil Quliyev “Fənərbağça”nın Atletika Departamentinə rəhbər təyin olundu

Azərbaycan əsilli keçmiş atlet Ramil Quliyev Türkiyənin “Fənərbağça” İdman Klubunda məsul vəzifəyə təyin olunub.

90deqiqe.Az xəbər verir ki, bu barədə İstanbul təmsilçisinin rəsmi saytı məlumat yayıb.

O, İstanbul təmsilçisinin Atletika Departamentinin yeni rəhbəri postuna gətirilib.

Klub tərəfindən Quliyevlə imzalanan müqavilənin detalları ictimaiyyətə açıqlanmayıb.

Qeyd edək ki, Ramil Quliyev karyerası ərzində Türkiyə milli komandasının heyətində uğurla çıxış edib, dünya və Avropa çempionatlarında qızıl medal qazanaraq atletika tarixində önəmli nailiyyətlərə imza atıb.