“Heç kəsi incitmək niyyətim olmayıb”

FIFA prezidenti Canni İnfantino Böyük Britaniya futbol azarkeşlərinə ünvanladığı zarafata görə üzr istəyib.

90deqiqe.Az xəbər verir ki, İnfantino Davosda keçirilən Ümumdünya İqtisadi Forumunda 2022-ci il Dünya Çempionatına toxunaraq bildirib ki, həmin turnirdə tarixdə ilk dəfə olaraq heç bir britaniyalı azarkeş həbs olunmayıb.

FIFA prezidentinin sözlərinə görə, bu şərh tamamilə zarafat məqsədi daşıyıb: “2022-ci il Dünya Çempionatı sülhsevər və bayram xarakterli bir tədbir olub. Heç kəsi incitmək niyyətim olmayıb. Mən ingilis futbolunun böyük həvəskarıyam”.

Həmçinin, İnfantino İngiltərəni futbol zorakılığına qarşı apardığı tədbirlərə görə yüksək qiymətləndirib.