Kriştiano Ronaldo “Əl-Nəsr”lə məşqlərə başladı

“Əl-Nəsr”in hücumçusu Kriştiano Ronaldo klubla məşqlərini bərpa edib. 

90deqiqe.Az xəbər verir ki, bu barədə jurnalist Fabrizio Romano “X” sosial şəbəkəsində (keçmiş Twitter) məlumat paylaşıb.

Ronaldo 20-ci tur oyununu boykot etmə qərarını transfer siyasətindən narazılıqla əlaqələndirib. Futbolçu hesab edir ki, Səudiyyə Ərəbistanı Dövlət İnvestisiya Fondu — “Əl-Nəsr”, “Əl-İttihad”, “Əl-Hilal” və “Əl-Əhli” klublarının sahibi — ədalətli rəqabəti əngəlləyir.

 Ronaldo fondda vəsaitin yalnız üç klubun transferlərinə xərclənməsindən narazı idi, “Əl-Nəsr” isə qış transfer pəncərəsində güclənə bilməmişdi.

Portuqaliyalı ulduz mövsümdə ilk dəfə Səudiyyə Ərəbistanı çempionatında komandasının oyununu buraxmışdı. 20-ci turda “Əl-Nəsr” lidersiz çıxış edərək “Ər-Riyad” üzərində 1:0 hesablı qələbə qazanıb.