İspaniya Kubokunda final matçının keçiriləcəyi tarix bəlli oldu

 İspaniya Kubokunun final mərhələsinin keçiriləcəyi tarix rəsmən açıqlanıb.

90deqiqe.Az xəbər verir ki, bu barədə məlumatı İspaniya Kral Futbol Federasiyası yayıb. Bildirilib ki, həlledici qarşılaşma aprelin 18-dən 19-na keçən gecə Bakı vaxtı ilə saat 00:00-da start götürəcək.

Final oyunu Sevilya şəhərində yerləşən Estadio de la Cartuja stadionunda təşkil olunacaq.

Qeyd edək ki, yarımfinalın ilk oyunlarından sonra "Barselona" doğma meydanda "Atletiko Madrid"ə 0:4 hesabı ilə məğlub olub. Digər cütdə isə "Atletik Bilbao" səfərdə "Real Sosyedad"a 0:1 hesabı ilə uduzub.

Cavab qarşılaşmalarından sonra finalçıların adına aydınlıq gələcək.