Roman Abramoviç “Çelsi”nin satışından gələn vəsaitlərin müsadirəsinə etiraz edib

Rus iş adamı Roman Abramoviçin vəkilləri Britaniya hökumətinə bildiriblər ki, 2022-ci ildə “Çelsi” futbol klubunun satışından əldə olunan gəlir tamamilə Abramoviçə məxsusdur.

90deqiqe.Az-ın məlumatına görə, Abramoviç hər hansı bir qəsdən bu vəsaitlərin müsadirə edilməsinə qarşı mübarizə aparmağa hazırdır. Bu barədə The Athletic xəbər yayıb.

2022-ci ilin mayında klubun satışından əldə olunan 2,35 milyard funt sterlinq (təxminən 2,7 milyard avro) hələ də Britaniyada Abramoviçə məxsus bir şirkətin bank hesabında dondurulmuş vəziyyətdədir. Bu, həmçinin vəsaitlərin Ukraynaya yardım üçün necə xərclənəcəyi ilə bağlı uzunmüddətli mübahisələr fonunda baş verir.

Satışdan sonra Abramoviç və Britaniya hökuməti vəsaitlərin istiqaməti ilə bağlı razılığa gələ bilməyiblər. Son maliyyə hesabatında göstərilir ki, 2,35 milyard funt sterlinqdən 1,4 milyard funt Abramoviçə məxsus şirkətə aid edilir. Bu isə suallar yaradır – bütün 2,35 milyard funt xeyriyyə məqsədilə istifadə olunacaqmı, yoxsa yox, çünki 1,4 milyard funt Abramoviçin klub dövründə verdiyi kreditdir.

Məlumata görə, hazırda 1,4 milyard funtluq kredit Abramoviçin vəsaitlərinin mənşəyi ilə bağlı Cersi adasında aparılan cinayət istintaqı ilə müqayisədə ikinci plana keçib. Həmin vəsaitlər istintaq və məhkəmə prosesi davam edərkən heç bir xeyriyyə fonduna ötürülə bilməz.