Azərbaycan avarçəkənləri "Bahar Kuboku"nda yarışacaqlar

Azərbaycanın kayak və kanoe üzrə gənclərdən ibarət milli komandası Türkiyənin Muğla şəhərində keçiriləcək “Bahar Kuboku” beynəlxalq reqatasında iştirak edəcək.

Azərbaycan Su İdman Növləri Federasiyasından 90deqiqe.Az-a verilən məlumata görə, yığma yarışlarda Qurban Sadıqlının məşqçiliyi ilə 7 nəfərlik heyətlə mübarizə aparacaq.

Elmir Tarverdiyev, Mustafa Vəlizadə, Qiyas Əhmədov, Tengiz Qaqnidze kayak qayığında, Hüseyn Səmədli, Vaqif Mustafazadə, Fəxri Sadıqlı isə kanoe növü üzrə mükafatçılar sırasına düşməyə çalışacaqlar.

Qeyd edək ki, “Bahar Kuboku” aprelin 16-18-də təşkil olunacaq.