“Sabah”ın U-18 komandası Çempionlar Liqasını qələbə ilə başa vurdu

Azərbaycanın "Sabah" basketbol klubunun U-18 komandası Basketbol üzrə Çempionlar Liqası çərçivəsində son oyununu qələbə ilə başa vurub.

90deqiqe.Az xəbər verir ki, 7-8-ci yerlər uğrunda keçirilən qarşılaşmada Bakı təmsilçisi Türkiyənin "Tofaş" komandası ilə üz-üzə gəlib.

Görüş Azərbaycan klubunun inamlı üstünlüyü ilə keçib və 86:60 hesablı qələbə ilə yekunlaşıb.

Buna qədər “Sabah” U-18 kollektivi 5-8-ci yerlər uğrunda oyunda Serbiyanın Borats klubuna 60:67 hesabı ilə uduzmuşdu.

Komanda qrup mərhələsində isə Almaniyanın Porşe BBA Lyudviqsburq üzərində 72:61 hesablı qələbə qazanıb, Bosniya və Herseqovina təmsilçisi İqokeaya isə 58:88 hesabı ilə məğlub olmuşdu.