“Qızıl top” namizədləri açıqlandı - 15 futbolçu siyahıda

Amerikanın “Sports Illustrated” jurnalı “Qızıl top” mükafatına namizəd futbolçuların siyahısını hazırlayıb.

90deqiqe.Az-ın məlumatına görə, siyahıya dünyanın ən yaxşı futbolçusu adına iddia edən 15 oyunçu daxil edilib.

 Siyahıda keçən ilin qalibi Usman Dembelenin adı da yer alıb. Ən yaxşı üçlükdə isə Harri Keyn, Lamin Yamal və Maykl Olise göstərilib.

Qeyd olunur ki, qalibin müəyyənləşdirilməsində top-klublar və böyük oyunlardakı çıxışlara daha çox diqqət yetiriləcək. Buna görə də yaxın dünya çempionatının nəticələri səsverməyə ciddi təsir göstərə bilər.

Tam siyahı belədir:

Harri Keyn – “Bavariya” / İngiltərə
Lamin Yamal – “Barselona” / İspaniya
Maykl Olise – “Bavariya” / Fransa
Kilian Mbappe – “Real Madrid” / Fransa
Deklan Rays – “Arsenal” / İngiltərə
Vitinya – “PSJ” / Portuqaliya
Pedri – “Barselona” / İspaniya
Erlinq Haland – “Mançester Siti” / Norveç
Lionel Messi – “İnter Mayami” / Argentina
Usman Dembele – “PSJ” / Fransa
Bruno Fernandes – “Mançester Yunayted” / Portuqaliya
Luis Dias – “Bavariya” / Kolumbiya
Vinisius Junior – “Real Madrid” / Braziliya
Rafinya – “Barselona” / Braziliya
Kriştianu Ronaldu – “Əl-Nəsr” / Portuqaliya

Mükafatın qalibi ilin sonuna yaxın açıqlanacaq.