Azərbaycan güləşçiləri “Zəfər Kuboku”nda daha 6 medal qazandı

Türkiyənin Antalya şəhərində güləş üzrə "Zəfər Kuboku" davam edir.

90deqiqe.Az xəbər verir ki, U-17 yaş qrupu üzrə keçirilən ənənəvi turnirin ikinci günündə Azərbaycanın 6 güləşçisi fəxri kürsüyə yüksəlib.

Sərbəst güləşdə Hüseyn Rzazadə (48 kiloqram) gümüş, Abbas Şəfiyev (55 kiloqram) və Elgün Kərimli (92 kiloqram) bürünc medal qazanıb.

Yunan-Roma güləşində isə Ömər Salmanovla (48 kiloqram) Qurban Məcnunov (55 kiloqram) bütün görüşlərini qələbə ilə başa vuraraq, qızıl medalın sahibi olublar. Yusif Mirzəyev (48 kiloqram) isə 2-ci yeri tutub.

Qeyd edək ki, Azərbaycan güləşçiləri yarışın ilk günündə 4 medal qazanmışdılar.