İspaniyalı tennisçinin “Roland Qarros”da iştirakı risk altındadır

Yeddi dəfə “Böyük Dəbilqə” turnirlərinin qalibi, dünya reytinqinin ikinci raketkası olan ispan tennisçi Karlos Alkaras 2026-cı ildə keçiriləcək “Roland Qarros” turnirində iştirakını təmin edə bilməyəcəyini bildirib.

90deqiqe.Az xəbər verir ki, "Teledeporte" təcrübəli tennisçinin dediklərini belə çatdırıb.

"Görəcəyik, işlər necə gedəcək. Müayinələrin növbəti mərhələsi həlledici olacaq, ona görə də hər şeyin yaxşı keçməsi üçün əlimizdən gələni etməyə çalışırıq. Hazırda səbirli olmalıyıq. Bu günlərdə mümkün qədər səbirli olmağa çalışıram, amma təbii ki, sadəcə gözləyirik. Bir neçə gündən sonra əlavə müayinələr olacaq və sonra zədənin nə qədər ciddi olduğunu və növbəti addımları atacağımızı biləcəyik. Hələlik, bu günlər xeyli uzansa da, pozitiv qalmağa çalışıram"

24 may – 7 iyun tarixlərində baş tutacaq turnirdə çıxış etməli olan Alkaras hazırda zədə səbəbindən bərpa prosesini davam etdirir.

Qeyd edək ki, Alkaras daha əvvəl Barselonada keçirilən turnirdə bilək zədəsi səbəbindən mübarizəni yarımçıq dayandırmış, daha sonra isə Madrid “Masters” turnirindən də imtina etmişdi.