“Fənərbağça” Avroliqa pley-offuna qələbə ilə başladı

Türkiyənin "Fənərbağça" basketbol komandası Avroliqanın pley-off mərhələsində ilk oyununa çıxıb.

90deqiqe.Az-ın məlumatına görə, İstanbul təmsilçisi doğma meydanda Litvanın "Zalqiris" kollektivini qəbul edib. Gərgin mübarizə şəraitində keçən qarşılaşma meydan sahiblərinin 89:78 hesablı qələbəsi ilə başa çatıb.

Komandalar arasında seriyanın ikinci oyunu aprelin 30-da keçiriləcək.

Günün digər matçlarında isə Yunanıstanın "Olimpiakos" klubu Fransanın "Monako" komandasını 91:70 hesabı ilə üstələyib. "Panatinaikos" isə İspaniyanın "Valensiya" kollektivinə 68:67 hesabı ilə qalib gəlib.