Azərbaycanın çimərlik güləşi yığması yeni mövsümə Vyetnamda start verir

Mayın 9-10-da Vyetnamın Dananq şəhərində böyüklər arasında Dünya Seriyasının ilk mərhələsi keçiriləcək.

Azərbaycan Güləş Federasiyasından 90deqiqe.Az-a verilən məlumata görə, kişilərin yarışında 4 çəki üzrə 14 ölkədən 40 idmançının iştirakı nəzərdə tutulur. Baş məşqçi Oyan Nəzərianinin rəhbərliyi altında Dünya Seriyasında ölkəmizi Rübail İbrahimli (70 kiloqram), Vüsal Əliyev, Sahib Dadaşov (hər ikisi 80 kiloqram) və Əşrəf Aşırov (90 kiloqram) təmsil edəcəklər.

Sabah qrup mərhələsinin ilk 2 turu baş tutacaq. Növbəti gün isə sonuncu tur, yarımfinal və medal görüşləri keçiriləcək.