- Offside
- 23:14 10.05.2026
Danimarka çempionatında “Orhus” 40 ildən sonra yenidən çempion olub.
90deqiqe.Az xəbər verir ki, Çempionatın final mərhələsinin IX turunda lider “Orhus” səfərdə “Bröndbü” ilə qarşılaşıb. Görüş “Orhus”un 2:0 hesablı qələbəsi ilə yekunlaşıb.
Qonaq komandanın qollarını 3-cü dəqiqədə Henrik Dalsqor, 26-cı dəqiqədə isə Kevin Yakob vurublar.
Bu nəticədən sonra xallarının sayını 64-ə çatdıran “Orhus” mövsümün başa çatmasına bir tur qalmış çempionluğu rəsmiləşdirib.
Qeyd edək ki, “Orhus” sonuncu dəfə 1985/1986 mövsümündə ölkə çempionu olmuşdu.
