Azərbaycan güləşçisi U-17 Avropa çempionatının finalında

Bolqarıstanın Samokov şəhərində güləş üzrə U-17 Avropa çempionatı davam edir.

 90deqiqe.Az xəbər verir ki, yarışın üçüncü günündə qadın güləşi üzrə mübarizəyə start verilib.

Xədicə Qurbanzadə (49 kiloqram) polşalı Zuzanna Ptak və finlandiyalı Kerttu Helmi Uşanoffa heç bir şans verməyib. Hər iki rəqibini 10:0 hesabla üstələyən güləşçimiz yarımfinalda Almaniyanı təmsil edən soydaşımız Mədinə Bayramovaya qalib gəlib – 4:1. Xədicə sabah finalda ukraynalı Olena Kolubayla güləşəcək.

Məryəm Əmrəli (57 kiloqram) ilkin mərhələdə italiyalı Sara Servedioya (2:8), Nuray Həsənli (65 kiloqram) isə 1/8 finalda türkiyəli Bade Doğana (0:11) məğlub olub.