Azərbaycan Yüksək Liqasında bürünc medalın sahibi müəyyənləşdi

Futzal üzrə Azərbaycan Yüksək Liqasında mövsümün bürünc medalçısı məlum olub.

90deqiqe.Az xəbər verir ki, XX tur çərçivəsində keçirilən qarşılaşmada “Baku Fire” komandası “Şuşa” kollektivinə 8:5 hesabı ilə qalib gələrək çempionatı üçüncü pillədə başa vurmağı rəsmiləşdirib.

Turun digər oyununda isə U-19 komandası meydana çıxmadan aktivinə 3 xal yazdırıb.

Qeyd edək ki, Yüksək Liqada 2025/2026 mövsümünə mayın 18-də yekun vurulacaq. Çempionun adına aydınlıq gətirəcək həlledici qarşılaşmada lider “Neftçi” İK ən yaxın izləyicisi “Araz-Naxçıvan”la üz-üzə gələcək.

Hazırda turnir cədvəlinə 52 xalla “Neftçi” İK başçılıq edir. 49 xalı olan “Araz-Naxçıvan” isə ikinci pillədə qərarlaşıb.