“Olimpiakos” Avroliqa çempionu oldu

Bu gün Yunanıstanın Afina şəhərində keçirilən Avroliqa “Dördlər finalı” çərçivəsində final qarşılaşması baş tutub.

90deqiqe.Az xəbər verir ki, həlledici oyunda “Olimpiakos” və “Real Madrid” komandaları üz-üzə gəlib.

Gərgin mübarizə şəraitində keçən görüş “Olimpiakos”un 92:85 hesablı qələbəsi ilə yekunlaşıb (19:26, 27:18, 15:21, 27:18). Bu nəticədən sonra Pirey təmsilçisi Avroliqanın qalibi adını qazanıb, Madrid klubu isə turniri ikinci pillədə başa vurub.

“Olimpiakos”un heyətində ən məhsuldar oyunçu fransalı basketbolçu Evan Furnye olub. O, 20 xal, 5 ribaund və 4 məhsuldar ötürmə ilə çıxış edib.

“Real Madrid”in heyətində isə ən məhsuldar oyunçu kanadalı basketbolçu Trey Layls olub. O, 23 xal, 6 ribaund və 1 məhsuldar ötürmə ilə yadda qalıb.