Çempionlar Liqasının əsas mərhələsinə vəsiqə qazanan 29 klub bəlli oldu

2026/2027 mövsümü üçün UEFA Çempionlar Liqasının əsas mərhələsinə birbaşa vəsiqə qazanan komandaların böyük hissəsi müəyyənləşib.

90deqiqe.Az-ın məlumatına görə, İtaliya A Seriyasında mövsümün son turundan sonra daha iki klub – “Roma” və “Komo” da elit turnirin Liqa mərhələsində iştirak hüququ əldə edib. Bununla da əsas mərhələyə birbaşa vəsiqə qazanan komandaların sayı 29-a çatıb.

Hazırda Çempionlar Liqasının əsas mərhələsində iştirak edəcəyi dəqiqləşən klublar bunlardır:

İspaniya: “Barselona”, “Real Madrid”, “Vilyarreal”, “Atletiko Madrid”, “Betis”

Almaniya: “Bavariya”, Dortmund “Borussiya”sı, “Leyptsiq”, “Ştutqart”

İngiltərə: “Arsenal”, “Mançester Siti”, “Mançester Yunayted”, “Aston Villa”, “Liverpul”

Fransa: PSJ, “Lans”, “Lill”

İtaliya: “İnter”, “Napoli”, “Roma”, “Komo”

Portuqaliya: “Sportinq”, “Portu”

Niderland: PSV, “Feyenoord”

Türkiyə: “Qalatasaray”

Ukrayna: “Şaxtyor”

Çexiya: “Slaviya”

Belçika: “Brügge”

Qeyd edək ki, UEFA Çempionlar Liqasının əsas mərhələsində qalan yeddi yerin sahibi avqust ayında keçiriləcək təsnifat oyunlarından sonra müəyyənləşəcək.