Azərbaycan millisinin Avropa çempionatında 1/8 finaldakı rəqibi müəyyənləşdi

Minifutbol üzrə Azərbaycan millisinin Slovakiyada keçirilən Avropa çempionatının 1/8 final mərhələsində qarşılaşacağı rəqib bəlli olub.

90deqiqe.Az xəbər verir ki, Elşad Quliyevin rəhbərlik etdiyi yığma növbəti mərhələdə Qazaxıstan millisi ilə üz-üzə gələcək.

Azərbaycan seçməsi qrup mərhələsini uğurla başa vuraraq F qrupunun qalibi olub. Komandamız Avstriya (1:0), İtaliya (3:0) və Fransa (3:2) üzərində qələbə qazanaraq maksimum nəticə ilə – 9 xalla pley-offa vəsiqə əldə edib.

Qazaxıstan millisi isə E qrupunda topladığı 4 xalla ikinci yeri tutaraq 1/8 finala yüksəlib.

Qeyd edək ki, Azərbaycan millisi Avropa çempionatının qrup mərhələsində keçirdiyi hər üç görüşdə qapısını toxunulmaz saxlayaraq turnirin ən inamlı çıxış edən komandalarından biri kimi diqqət çəkib. İndi isə yığmamız növbəti mərhələdə Qazaxıstan səddini aşaraq 1/4 finala yüksəlməyə çalışacaq.