- Offside
- 20:59 01.06.2026
Kişi boksçulardan ibarət Azərbaycan millisi Qazaxıstana yollanıb.
Bu barədə 90deqiqe.Az-a Azərbaycan Boks Federasiyasından məlumat verilib.
Ravşan Xocayevin baş məşqçisi olduğu komanda təlim-məşq toplanışını Çimkənddə davam etdirəcək.
13 boksçunun cəlb olunduğu hazırlıq iyunun 12-də başa çatacaq. Toplanışda əsasən texniki-taktiki məşqlərə üstünlük veriləcək. Hazırlıq çərçivəsində sınaq döyüşləri də planlaşdırılır.
Qeyd edək ki, məşqlər Çində keçiriləcək Dünya kubokuna hazırlıq xarakteri daşıyır.
