Azərbaycan yelkənçiləri dünya çempionatında mübarizə aparacaqlar

Azərbaycanın gənc yelkənçiləri Mərakeşin Tanjer şəhərində keçiriləcək optimist sinfi üzrə dünya çempionatında iştirak edəcəklər.

Azərbaycan Su İdman Növləri Federasiyasından 90deqiqe.Az-a verilən məlumata görə, yarışda ölkəmizi Amira Bayramova, Furkan Mustafayev, Səma Mansurzadə, Kamal Bəşirli və Emel Məmmədli təmsil edəcəklər.

Gənc idmançıların qatılacağı nüfuzlu beynəlxalq turnir iyunun 18-dən 28-dək davam edəcək. Yarışda müxtəlif ölkələrdən ən güclü gənc yelkənçilərin mübarizə aparacağı gözlənilir.

Qeyd edək ki, optimist sinfi üzrə dünya çempionatı yeniyetmə yelkənçilərin beynəlxalq təcrübə qazanması baxımından mühüm əhəmiyyət daşıyır.