Ronaldinyo İtaliya klubu ilə müqavilə imzalayacaq

Braziliya futbolunun canlı əfsanəsi, “Qızıl top” mükafatının sahibi Ronaldinyo İtaliyanın "Ravenna" klubu ilə müqavilə imzalamağa yaxındır.

90deqiqe.Az xəbər verir ki, bu barədə klubun vitse-prezidenti Ariedo Braida ANSA agentliyinə açıqlamasında məlumat verib.

Onun sözlərinə görə, Ronaldinyonun transferi yaxın günlərdə rəsmi şəkildə təqdim olunacaq. Braida braziliyalının komandanın heyətində meydana çıxıb-çıxmayacağı ilə bağlı isə qəti fikir bildirməyib. O, bu məsələnin hələ dəqiqləşdirilmədiyini vurğulayıb.

Bildirilir ki, transferin rəsmi təqdimat mərasimi iyunun 23-də Mayami şəhərində keçiriləcək.

Qeyd edək ki, Ronaldinyo 2018-ci ildə peşəkar futbolçu karyerasını başa vurduğunu açıqlamışdı.