Yeniyetmə cüdoçuların Avropa çempionatında ilk rəqibləri bəlli oldu

İspaniyanın Las-Palmas-de-Qran-Kanariya şəhərində keçiriləcək yeniyetmələr arasında cüdo üzrə Avropa çempionatının püşkü atılıb.

90deqiqe.Az xəbər verir ki, püşkatmanın nəticələrinə əsasən, Azərbaycan millisinin ilk rəqibləri müəyyənləşib.

Yığmamız qitə birinciliyində 12 çəki dərəcəsində 17 idmançı – 10 oğlan və 7 qız cüdoçu ilə fərdi yarışlarda təmsil olunacaq. Azərbaycan komandası, həmçinin turnirin son günündə keçiriləcək qarışıq komanda yarışında da mübarizə aparacaq.

İyunun 29-dan iyulun 2-dək davam edəcək Avropa çempionatında təsnifat görüşləri hər gün saat 12:30-da, final bloku isə saat 19:30-da start götürəcək. Yarışın bütün görüşləri "Judo TV" platforması vasitəsilə canlı yayımlanacaq.

Püşkün nəticələrinə əsasən, Azərbaycan cüdoçularının ilk rəqibləri aşağıdakılardır:

Oğlanlar

50 kq (1/8 final)

• Nihad Ağayev – Levente Naqi (Macarıstan) / Aaron Coşua Keller (Almaniya) cütünün qalibi
• Fərid Rzazadə – Armen Matevosyan (Ermənistan) / Dimitrios Qulos (Yunanıstan) cütünün qalibi

55 kq

• Rza Xəlilli (1/16 final) – Nikita Qutu (Rumıniya)
• İbrahim Talıbov (1/8 final) – Noham Benkrouidem (Fransa) / Aleksandar Vuşev (Bolqarıstan) cütünün qalibi

60 kq (1/16 final)

• Mehman Əsgərov – Narek Nahapetyan (Ermənistan) / Adam Kostoyev (İsveç) cütünün qalibi

66 kq (1/16 final)

• İlkin Qarayev – Samuil Dimitrov (Bolqarıstan)

73 kq (1/8 final)

• Sadiq Məmmədov – Matas Marksaitis (Litva) / Noam Stiner (İsrail) cütünün qalibi

81 kq (1/16 final)

• Yaqub Məmmədov – Yan Markoviç (Bosniya və Herseqovina)
• Ayxan Həsənli – Akos Naqi (Rumıniya)

90 kq (1/8 final)

• Ömər Axundov – Qriqorios Mirazanaşvili (Kipr) / Kaur Leetsar (Estoniya) cütünün qalibi

Qızlar

40 kq (1/8 final)

• Zəhra Quliyeva – Aviqayil Qat Mualem (İsrail)
• Sunay Salamova – Kandela Kosta Kabana (İspaniya)

44 kq (1/16 final)

• Pərvin Sevxanlı – Yelena Tanaçkov (Serbiya)
• Fatimə Abdullayeva – Silvia Kilaçkova (Slovakiya)

48 kq (1/8 final)

• Könül Eyvazlı – Jasmina Mantayeva (Avstriya) / Mia Mari Beermann (Almaniya) cütünün qalibi

70 kq (1/16 final)

• Məsumə Məmmədli – Norah Qosset (Fransa)

+70 kq (1/8 final)

• Zemfira Əliyeva – Ballalo Kulibali Ture (İspaniya)

Qarışıq komanda yarışının 1/8 finalında isə Azərbaycan millisi Çexiya yığması ilə qarşılaşacaq.