Azərbaycan basketbol hakimlərinə Avropa çempionatlarına təyinat verildi

Azərbaycan basketbol hakimləri gənclər arasında keçiriləcək Avropa çempionatlarında ədaləti qoruyacaqlar.

Azərbaycan Basketbol Federasiyasından 90deqiqe.Az-a verilən məlumata görə, Ruslan Xalıqov, Urfan Bayramlı, Toğrul Həsənov və hakim-komissar Asif Bağışov qitə birinciliklərinə təyinat alıblar.

Ruslan Xalıqov U-18, Urfan Bayramlı və Toğrul Həsənov U-20, Asif Bağışov isə U-16 yaş qrupu üzrə Avropa çempionatının B divizionunda keçiriləcək oyunlarda hakim və hakim-komissar kimi fəaliyyət göstərəcək.

Qeyd edək ki, gənclər arasında Avropa çempionatları iyul və avqust aylarında təşkil olunacaq.