Novak Cokoviç Uimbldonun dörddəbir finalında ilk seti qazandı

Uimbldon-2026 turnirinin dörddəbir finalında serbiyalı tennisçi Novak Cokoviç ilk setdə kanadalı Feliks Oje-Alyassimi məğlub edib.

90deqiqe.Az xəbər verir ki, "Böyük Dəbilqə" turnirlərinin 24 qat qalibi olan 39 yaşlı Cokoviç ilk seti gərgin mübarizədən sonra 7:6 (12:10) hesabı ilə aktivinə yazdırıb.

İlk set 1 saat 19 dəqiqə davam edib. Bu hissədə Cokoviç qazandığı üç qırılma fürsətindən yararlana bilməyib. Oje-Alyassim isə əldə etdiyi bir belə imkanı dəyərləndirə bilməyib.

Qeyd edək ki, bu görüşün qalibi Uimbldonun yarımfinalında dünya reytinqinin lideri və turnirin son çempionu olan italiyalı Yannik Sinnerlə qarşılaşacaq.