Azərbaycan güləşçisi U-20 Avropa çempionu oldu

Azərbaycanın sərbəst güləşçisi Yusif Dursunov Şimali Makedoniyanın paytaxtı Skopyedə keçirilən 20 yaşadək güləşçilər arasında Avropa çempionatında qızıl medal qazanıb.

90deqiqe.Az-ın məlumatına görə, 125 kiloqram çəki dərəcəsində çıxış edən idmançı final görüşündə rusiyalı Soslan Qabuyevlə üz-üzə gəlib. Gərgin mübarizə şəraitində keçən qarşılaşmanı qələbə ilə başa vuran Y.Dursunov rəqibini məğlub edərək Avropa çempionu adına layiq görülüb.

Beləliklə, Azərbaycan güləşçisi nüfuzlu qitə birinciliyini qızıl medalla başa vuraraq yığma komandanın uğurlarına növbəti çempionluq əlavə edib.