Çimərlik futbolu millimiz məğlub olsa da, pley-offa vəsiqə qazandı

Çimərlik futbolu üzrə Azərbaycan milli komandası Gürcüstanın Batumi şəhərində keçirilən Avropa çempionatının seçmə mərhələsində (EBSL) qrup mərhələsində son oyununu keçirib.

90deqiqe.Az xəbər verir ki, B Liqasının B qrupunda mübarizə aparan yığmamız Latviya millisi ilə üz-üzə gəlib.

Batumi çimərlik arenasında keçirilən qarşılaşma rəqibin 3:2 hesablı qələbəsi ilə başa çatıb. Azərbaycan millisinin heyətində hər iki qolu Orxan Məmmədov vurub.

Bu məğlubiyyətə baxmayaraq, qrupu ikinci pillədə başa vuran yığmamız pley-off mərhələsinə vəsiqə qazanıb. Azərbaycan millisi növbəti mərhələdə Norveç seçməsi ilə qarşılaşacaq.

Qeyd edək ki, millimiz qrupun ilk iki oyununda İngiltərəni 8:3, Slovakiyanı isə 4:2 hesabı ilə məğlub etmişdi.