Bakıda beynəlxalq cüdo seminarı başa çatdı

Avropa Cüdo Birliyi və Azərbaycan Cüdo Federasiyasının birgə təşkilatçılığı ilə keçirilən beynəlxalq texniki seminar başa çatıb.

90deqiqe.Az-ın məlumatına görə, kodokan mütəxəssisi, ikiqat Olimpiya mükafatçısı, üçqat dünya çempionu Misato Nakamura və Olimpiya mükafatçısı Mariya Çentrakkionun rəhbərliyi ilə keçirilən sessiyalarda iştirakçılar dünya səviyyəli mütəxəssislərin təcrübəsindən yararlanıblar. Təlimlərdə yerli cüdo mütəxəssisləri də təlimçi qismində iştirak ediblər.

Üç gün davam edən seminar iştirakçıların nəzəri biliklərini və praktiki bacarıqlarını təkmilləşdirməsinə, həmçinin beynəlxalq təcrübə mübadiləsinə töhfə verib.