Nuray Cəfərli U-17 dünya çempionatında 1/4 finalda dayandı

Bakıda keçirilən güləş üzrə U-17 dünya çempionatında Azərbaycanın qadın güləşçisi Nuray Cəfərli mübarizəni 1/4 final mərhələsində başa vurub.

90deqiqe.Az xəbər verir ki, 46 kiloqram çəki dərəcəsində çıxış edən idmançımız 1/4 finalda Macarıstan təmsilçisi Vivyen Sentpalla üz-üzə gəlib. Gərgin mübarizə şəraitində keçən qarşılaşma rəqibin 10:8 hesablı qələbəsi ilə yekunlaşıb.

Qeyd edək ki, U-17 dünya çempionatı Bakıda, Milli Gimnastika Arenasında keçirilir. Mundialda 60-dan çox ölkədən 700-ə yaxın yeniyetmə güləşçi iştirak edir. Azərbaycan yarışda 29 idmançı ilə təmsil olunur.