Azərbaycan millisi Yunanıstanda hər iki sınaq matçını qələbə ilə başa vurdu

Avropa çempionatına hazırlıqlarını davam etdirən qadın voleybolçulardan ibarət Azərbaycan millisi Yunanıstandakı təlim-məşq toplanışı çərçivəsində keçirdiyi hər iki yoxlama oyununda qələbə qazanıb.

Azərbaycan Voleybol Federasiyasından 90deqiqe.Az-a məlumata görə, Faiq Qarayevin rəhbərlik etdiyi kollektiv Afinada ev sahibi Yunanıstan yığması ilə iki dəfə üz-üzə gəlib.

Millimiz hər iki qarşılaşmada rəqibini 3:1 hesabı ilə məğlub edərək Avropa çempionatı öncəsi uğurlu nəticəyə imza atıb.

Qeyd edək ki, Azərbaycan yığması qitə çempionatına hazırlığın son mərhələsini Bakıda keçirəcək.