- Offside
- 23:44 31.07.2026
Türkiyənin paytaxtı Ankarada yeni mövsümə hazırlıqlarını davam etdirən "Turan Tovuz" növbəti yoxlama oyununa çıxıb.
90deqiqe.Az-ın məlumatına görə, Kurban Berdıyevin baş məşqçisi olduğu komanda Türkiyənin I Liqa təmsilçisi "Iğdır" ilə üz-üzə gəlib.
Qarşılaşma Azərbaycan klubunun 1:0 hesablı qələbəsi ilə yekunlaşıb. Oyunda yeganə qolu Jo Batista vurub.
Xatırladaq ki, "Turan Tovuz" Ankara toplanışı çərçivəsində daha əvvəl İranın U-21 millisi və Türkiyə Super Liqası təmsilçisi "Fatih Karagümrük" ilə qarşılaşıb. Hər iki görüş 1:1 hesablı heç-heçə ilə başa çatmışdı.
