- Offside
- 13:55 01.08.2026
Bakıda keçirilən U-17 dünya çempionatında mübarizə aparan Azərbaycanın sərbəst güləşçisi Tunar Quliyev yarışa məğlubiyyətlə başlayıb.
90deqiqe.Az-ın məlumatına görə, 71 kq çəki dərəcəsində çıxış edən idmançı təsnifat mərhələsində Qazaxıstan təmsilçisi Adilet Risbayla qarşılaşıb. Gərgin keçən görüşdə Tunar Quliyev rəqibinə 2:3 hesabı ilə uduzub.
Qeyd edək ki, U-17 dünya çempionatı Milli Gimnastika Arenasında keçirilir. Yarışda 60-dan çox ölkədən 700-ə yaxın yeniyetmə güləşçi mübarizə aparır.
Azərbaycan mundialda 29 pəhləvanla təmsil olunur.
