Azərbaycan güləşçisi U-17 dünya çempionatına qələbə ilə başladı

Bakıda keçirilən U-17 dünya çempionatında mübarizə aparan Azərbaycanın sərbəst güləşçisi İbrahim Həsənov yarışa uğurlu start verib.

90deqiqe.Az-ın məlumatına görə, 51 kq çəki dərəcəsində çıxış edən idmançı 1/8 final mərhələsində Gürcüstan təmsilçisi Giorgi Narimanidze ilə qarşılaşıb. Gərgin keçən görüşdə rəqibini 4:2 hesabı ilə məğlub edən İbrahim Həsənov 1/4 finala yüksəlib.

Qeyd edək ki, U-17 dünya çempionatı Bakıda, Milli Gimnastika Arenasında keçirilir. Yarışda 60-dan çox ölkədən 700-ə yaxın yeniyetmə güləşçi mübarizə aparır.

Azərbaycan mundialda 29 pəhləvanla təmsil olunur.