Azərbaycan millisindən Avropa çempionatı öncəsi son hazırlıq

Qadın voleybolçulardan ibarət Azərbaycan millisi 2026-cı il Avropa çempionatına hazırlığın son mərhələsini Bakıda davam etdirir.

Azərbaycan Voleybol Federasiyasından 90deqiqe.Az-a verilən məlumata görə, yığmanın paytaxtda təşkil olunan təlim-məşq toplanışı çərçivəsində Latviya və Belarus milliləri ilə yoxlama oyunları keçirməsi planlaşdırılır. Bu görüşlər komandanın qitə çempionatı öncəsi son sınaqları olacaq.

Xatırladaq ki, 2026-cı il Avropa çempionatının C qrupunun oyunlarına Bakı ev sahibliyi edəcək. Azərbaycan millisi qrup mərhələsində Portuqaliya, Niderland, Belçika, Rumıniya və İspaniya yığmaları ilə mübarizə aparacaq.

Qrup qarşılaşmaları avqustun 21-dən 28-dək Milli Gimnastika Arenasında təşkil olunacaq.