Azərbaycan millisindən Avropa çempionatında inamlı qələbə

Azərbaycanın qadın basketbolçulardan ibarət U-18 milli komandası Avropa çempionatının B divizionunda son oyununu keçirib.

 90deqiqe.Az-ın məlumatına görə, Rumıniyanın Tulça şəhərində təşkil olunan yarışda 17-20-ci yerlər uğrunda mübarizə aparan millimiz Norveç yığması ilə qarşılaşıb.

Görüş Azərbaycan seçməsinin böyük üstünlüyü ilə başa çatıb. Komandamız rəqibini 77:48 hesabı ilə məğlub edib.

Qarşılaşmanın ən məhsuldar basketbolçusu Azərbaycan millisinin üzvü Polina Şukina olub. O, 25 xal toplayıb və 22 ribaundla yadda qalıb.

Beləliklə, U-18 qadınlardan ibarət milli komandamız Avropa çempionatının B divizionunda çıxışını 20 komanda arasında 17-ci pillədə başa vurub.