Azərbaycan gimnastı Dünya çempionatında 43-cü oldu

Almaniyanın Frankfurt şəhərində keçirilən bədii gimnastika üzrə 42-ci Dünya çempionatında Azərbaycanı Fidan Qurbanlı təmsil edib.

Azərbaycan Gimnastika Federasiyasından 90deqiqe.Az-a verilən məlumata görə, avqustun 12-16-da təşkil olunan mundial Dünya Gimnastika Federasiyasının təqviminə daxil olan əsas yarışlardan biridir. Frankfurtun məşhur Festhalle arenasında keçirilən çempionatda müxtəlif ölkələrdən 300-ə yaxın gimnast iştirak edir.

Fidan Qurbanlı fərdi proqramda halqa, top, gürzlər və lentlə çıxış edib. Azərbaycan təmsilçisi çoxnövçülük üzrə ümumilikdə 75,350 xal toplayıb.

Bu nəticə ilə gimnastımız yekun sıralamada 43-cü pillədə qərarlaşıb.