Avropa çempionatının iki iştirakçısı Bakıya gəldi

Qadın voleybolçular arasında keçiriləcək Avropa çempionatının Bakıda mübarizə aparacaq iştirakçılarından daha ikisi Azərbaycana gəlib.

90deqiqe.Az xəbər verir ki, Azərbaycanın ev sahibliyi etdiyi CEV EuroVolley 2026 Women turnirinin C qrupunda yer alan Niderland və Portuqaliya milli komandaları paytaxta çatıb.

Komandalar Heydər Əliyev Beynəlxalq Aeroportunda Azərbaycan Voleybol Federasiyasının əməkdaşları və yarışın təşkilat komitəsinin üzvləri tərəfindən qarşılanıblar.

Qeyd edək ki, C qrupunda mübarizə aparacaq digər milli komandaların da avqustun 20-də Bakıya gəlməsi gözlənilir.