Azərbaycanın yeniyetmə cüdoçularının dünya çempionatındakı ilk rəqibləri bəlli oldu

Ekvadorun Quayakil şəhərində keçiriləcək yeniyetmələr arasında cüdo üzrə dünya çempionatında Azərbaycan təmsilçilərinin ilk rəqibləri müəyyənləşib.

Bu barədə 90deqiqe.Az-a Azərbaycan Cüdo Federasiyasının mətbuat xidmətindən bildirilib.

20-23 avqust tarixlərində təşkil olunacaq mundialda Azərbaycan 9 çəki dərəcəsində 14 cüdoçu ilə təmsil olunacaq. Komandanın heyətində 10 oğlan və 4 qız yer alıb.

Püşkatma mərasiminin nəticələrinə əsasən, milli komandamızın üzvlərinin turnirdə ilk rəqibləri bəlli olub. Azərbaycan cüdoçuları dünya çempionatında medal uğrunda mübarizə aparacaqlar.

İlk yarış günündə təsnifat mərhələsi Bakı vaxtı ilə avqustun 20-də saat 19:00-da başlayacaq. Final bloku isə avqustun 21-də saat 02:00-da start götürəcək.

Turnirin qarşılaşmaları “Judo TV” vasitəsilə canlı yayımlanacaq.

Qızlar

40 kq, 1/8 final

Sunay Salamova – Soyol-Erden Qansux (Monqolustan)

Zəhra Quliyeva – Adiya Janaxmet (Qazaxıstan)

44 kq, 1/16 final

Pərvin Sevxanlı – Lihi Soffer (İsrail)

48 kq, 1/16 final

Könül Eyvazlı – Ella Bar Lev (İsrail)

Oğlanlar

50 kq, 1/8 final

Fərid Rzazadə – Dimitrios Qulas (Yunanıstan) / Süleyman Doğru (Türkiyə) cütünün qalibi ilə

55 kq, 1/16 final

Fərid Xudiyev – Kristian Marin (Kosta-Rika)

55 kq, 1/8 final

İbrahim Talıbov – Bayel İsmayılov (Qırğızıstan) / Sebastyan Suqimoto (Argentina) cütünün qalibi ilə

66 kq, 1/16 final

İlkin Qarayev – Yesus Perea Vallve (Peru)

73 kq, 1/16 final

Yusuf Nəzər – Conas Nelissen (Kanada)

Sadiq Məmmədov – Georq Noqes (Estoniya)

81 kq, 1/32 final

Ayxan Həsənli – Alberto Montes (Kosta-Rika)

81 kq, 1/16 final

Yaqub Məmmədov – Alijan Saylaubekov (Qazaxıstan)

90 kq, 1/16 final

Ömər Axundov – Val Berqlez Kos (Sloveniya)

Nurəddin Əliyev – Pablo Fernandes Kalero (İspaniya)