Taekvondo üzrə Azərbaycan çempionatının keçiriləcəyi tarix açıqlanıb

Sentyabrın 21-24-də taekvondo üzrə uşaqlar və 16-21 yaşlılar arasında Azərbaycan çempionatı keçiriləcək.

90deqiqe.Az Azərbaycan Taekvondo Federasiyasının mətbuat xidmətinə istinadən xəbər verir ki, yarış Fövqəladə Hallar Nazirliyinin İdman-sağlamlıq klubunda təşkil olunacaq. Dörd gün davam edəcək turnirdə müxtəlif şəhər və rayonları təmsil edən idman klubları və cəmiyyətlərinin taekvondoçuları mübarizə aparacaqlar.

Uşaqlar arasında ölkə birinciliyində 2015-2017-ci il təvəllüdlü, 16-21 yaşlılar arasında isə 2005-2009-cu il təvəllüdlü idmançılar qüvvələrini sınayacaqlar.

Turnirin ilk iki günündə uşaqlar, son iki günündə isə 16-21 yaşlı taekvondoçular arasında görüşlər keçiriləcək.