Bakıda qadın voleybolçular arasında Avropa çempionatının açılışı olub

Bakıda qadın voleybolçular arasında Avropa çempionatının C qrupunun oyunlarına start verilib.

90deqiqe.Az-ın məlumatına görə, Milli Gimnastika Arenasında təşkil olunan açılış mərasimi şou proqramı ilə başlayıb. Ardınca ilk qarşılaşmada üz-üzə gələcək Azərbaycan və Portuqaliya yığmalarının bayraqları meydana gətirilib, hər iki ölkənin dövlət himni səsləndirilib.

Azərbaycan – Portuqaliya görüşü bu gün saat 19:00-da başlayacaq.

Qeyd edək ki, Bakıdakı oyunlar avqustun 28-dək Milli Gimnastika Arenasında keçiriləcək. AVRO-2026 Azərbaycan, Türkiyə, İsveç və Çexiyanın birgə ev sahibliyi ilə təşkil olunur və sentyabrın 6-dək davam edəcək.

Faiq Qarayevin rəhbərlik etdiyi Azərbaycan millisi C qrupunda Portuqaliya ilə yanaşı, Niderland, Belçika, Rumıniya və İspaniya yığmaları ilə mübarizə aparacaq.

Reqlamentə əsasən, qrup mərhələsinin ilk dörd pilləsində qərarlaşan komandalar pley-off mərhələsinə vəsiqə qazanacaqlar.