Avropa çempionatında C qrupunun iki oyunu keçirilib

Bakıda keçirilən qadın voleybolçular arasında Avropa çempionatının C qrupunda bu gün iki qarşılaşma baş tutub.

90deqiqe.Az-ın məlumatına görə, ilk oyunda Belçika millisi İspaniya yığmasını 3:2 hesabı ilə məğlub edib. Görüşdə setlər 25:15, 18:25, 23:25, 25:17 və 15:8 hesabı ilə yekunlaşıb.

Günün digər matçında isə Niderland seçməsi Rumıniya üzərində 3:2 hesablı qələbə qazanıb. Setlər üzrə nəticə 25:21, 26:28, 25:15, 22:25 və 15:9 olub.

Beləliklə, C qrupunda hər iki qarşılaşma beş set davam edib və qalib son setdə müəyyənləşib.

Qeyd edək ki, qrupun oyunları avqustun 28-dək Milli Gimnastika Arenasında keçiriləcək. Azərbaycan millisi turnirin açılış matçında Portuqaliyanı 3:1 hesabı ilə məğlub edib.