Azərbaycan millisi Rumıniyanı məğlub edərək liderliyini qorudu

Bakıda keçirilən qadınlar arasında voleybol üzrə Avropa çempionatında Azərbaycan milli komandası növbəti qələbəsini qazanıb.

90deqiqe.Az xəbər verir ki, Faiq Qarayevin baş məşqçisi olduğu yığma C qrupunun III turunda Rumıniya seçməsi ilə üz-üzə gəlib. Milli Gimnastika Arenasında baş tutan qarşılaşma Azərbaycan millisinin 3:2 hesablı qələbəsi ilə başa çatıb.

Bu nəticədən sonra xallarının sayını 8-ə çatdıran yığmamız C qrupunda liderliyini davam etdirir.

Azərbaycan millisi turnirdə bundan əvvəl Portuqaliyanı 3:1, İspaniyanı isə 3:0 hesabı ilə məğlub edib.

Yığma qrup mərhələsində növbəti oyunlarını Belçika və Niderland milli komandalarına qarşı keçirəcək.