Azərbaycanlı ağırlıqqaldıran Avropa birinciliyində medal qazandı

Azərbaycanın gənc ağırlıqqaldıranı Kamran Xappayev Kosovonun Priştina şəhərində keçirilən U-15 və yeniyetmələr arasında Avropa birinciliyində fəxri kürsüyə yüksəlib.

Federasiyadan 90deqiqe.Az-a verilən məlumata görə, 70 kq çəki dərəcəsində mübarizə aparan idmançı birdən qaldırma hərəkətində 123 kq nəticə göstərərək bürünc medal qazanıb.

Xappayev təkanla qaldırma hərəkətində isə 145 kq nəticə ilə yeddinci olub.

Azərbaycan təmsilçisi iki hərəkətin cəmində 268 kq nəticə göstərib və yekun sıralamada beşinci pilləni tutub.

Beləliklə, Kamran Xappayev qitə birinciliyini bir medalla başa vurub.