Belçika Niderlandı beş setlik qarşılaşmada üstələdi

Bakıda keçirilən qadın voleybolu üzrə Avropa çempionatının C qrupunda növbəti oyun baş tutub.

90deqiqe.Az-ın məlumatına görə, günün ilk qarşılaşmasında Belçika və Niderland milliləri üz-üzə gəlib. Milli Gimnastika Arenasında keçirilən gərgin mübarizədə Belçika seçməsi 3:2 hesabı ilə qalib gəlib.

Bu nəticə ilə qrup lideri olan Belçika xallarının sayını 13-ə çatdırıb. Niderland isə 9 xalla ikinci pillədə qərarlaşıb.

C qrupunda günün ikinci matçı saat 18:30-da başlayacaq. Bu görüşdə Portuqaliya və Rumıniya milliləri qarşılaşacaqlar.

Qeyd edək ki, C qrupunun oyunlarına avqustun 28-dək Bakıda ev sahibliyi ediləcək.