Gəncə şəhər stadionu UEFA-nın 4-cü kateqoriyasına layiq görülüb

Gəncə şəhər stadionu UEFA tərəfindən 4-cü kateqoriyalı arena statusuna layiq görülüb.

Bu barədə 90deqiqe.Az-a AFFA-dan məlumat verilib.

İki il ərzində aparılan ardıcıl və məqsədyönlü işlərin nəticəsi olaraq arenanın UEFA-nın müvafiq beynəlxalq standartlarına uyğunluğu təsdiqlənib.

Yeni status Gəncə şəhər stadionuna Azərbaycan milli komandalarının oyunlarını, həmçinin UEFA-nın klub turnirləri çərçivəsində yüksək səviyyəli beynəlxalq qarşılaşmaları qəbul etmək imkanı yaradacaq.

Beləliklə, Gəncə şəhər stadionu UEFA-nın 4-cü kateqoriyalı arenalarına dair tələblərinə cavab verən stadionlar sırasına daxil olub.