Azərbaycan milliləri Avropa çempionatlarında mübarizə aparacaqlar

Azərbaycanın çimərlik voleybolu üzrə milli komandaları sentyabr ayında müxtəlif yaş qrupları üzrə keçiriləcək Avropa çempionatlarında ölkəmizi təmsil edəcəklər.

Voleybol Federasiyasından 90deqiqe.Az-a verilən məlumata görə, ilk olaraq Azərbaycan U-20 milli komandaları qitə birinciliyində mübarizəyə başlayacaqlar. Sentyabrın 3-dən 6-dək İtaliyanın Battipaqlia şəhərində keçiriləcək turnirdə ölkəmizi oğlanlar arasında İbrahim Məmmədov / Muhamməd Aslanlı, qızlar arasında isə Səbinə Əlizadə / Leyla Əliyeva cütləri təmsil edəcəklər.

Daha sonra U-22 milli komandaları meydana çıxacaqlar. Sentyabrın 10-dan 13-dək İspaniyanın Madrid şəhərində təşkil olunacaq Avropa çempionatında Azərbaycanı oğlanlar arasında İbrahim Məmmədov / Muhamməd Aslanlı, qızlar arasında isə Səbinə Əlizadə / Leyla Əliyeva cütləri təmsil edəcəklər.

Ayın sonuncu yarışında isə U-18 yığmaları iştirak edəcəklər. Sentyabrın 17-dən 20-dək Türkiyənin İzmir şəhərində keçiriləcək Avropa çempionatında oğlanlar arasında Emil Safronov / Tamerlan Tağıyev, qızlar arasında isə Dilarə Ağayeva / Leyla Əliyeva cütü ölkəmizin şərəfini qoruyacaq.

Beləliklə, Azərbaycanın çimərlik voleybolu üzrə müxtəlif yaş qruplarından olan milli komandalarını sentyabr ayında üç fərqli Avropa çempionatında mübarizə gözləyir.