- Offside
- 21:32 02.09.2026
Azərbaycanlı ağırlıqqaldıran Fazilə İmanova antidopinq qaydalarını pozduğu üçün 3 il müddətinə diskvalifikasiya olunub.
Milli Antidopinq Agentliyindən (AMADA) 90deqiqe.Az-a verilən məlumatına görə, idmançının götürülmüş nümunəsində qadağan edilmiş anabolik androgenik steroidlər qrupuna daxil olan metribolon maddəsi aşkarlanıb.
Bununla əlaqədar Fazilə İmanovaya 3 illik diskvalifikasiya cəzası tətbiq edilib.
Sanksiya 15 may 2026-cı il tarixindən qüvvəyə minib və 14 may 2029-cu ildə başa çatacaq.
Qeyd edək ki, diskvalifikasiya müddətində idmançı antidopinq qaydalarına əsasən yarışlarda və digər rəsmi idman fəaliyyətlərində iştirak edə bilməyəcək.
