- Offside
- 23:13 03.09.2026
Litvada təlim-məşq toplanışında olan “Sabah” basketbol komandası növbəti yoxlama oyununu keçirib.
90deqiqe.Az-ın məlumatına görə, Azərbaycan təmsilçisi Kaunas şəhərində Böyük Britaniyanın “London Lions” klubu ilə qarşılaşıb. Görüş rəqib komandanın 86:82 hesablı qələbəsi ilə başa çatıb.
“Sabah” bundan əvvəl keçirdiyi iki yoxlama oyununda Litvanın “Juventus Utena” komandasına 84:89 hesabı ilə uduzub, “Şyaulyay” kollektivini isə 92:80 hesabı ilə məğlub edib.
Qeyd edək ki, “Sabah” yeni mövsümdə FIBA Çempionlar Liqasında mübarizə aparacaq.
