Türkiyə İtaliyanı məğlub edərək Avropa çempionu oldu

Qadın voleybolçular arasında 2026-cı il CEV Avropa çempionatının final qarşılaşması keçirilib.

 90deqiqe.Az-ın məlumatına görə, finalda Türkiyə və İtaliya milliləri İstanbulda yerləşən “Sinan Erdem” İdman Sarayında üz-üzə gəliblər.

Gərgin mübarizə şəraitində keçən qarşılaşmada İtaliya millisi iki dəfə hesabda önə keçib. Lakin Türkiyə yığması geri dönüş edərək rəqibini 3:2 hesabı ilə məğlub edib və Avropa çempionu titulunu qoruyub.

Beləliklə, Türkiyə millisi ardıcıl ikinci dəfə Avropanın ən güclüsü olub.

Görüşdə qeydə alınan set nəticələri:

• I set: Türkiyə – İtaliya 16:25
• II set: Türkiyə – İtaliya 25:22
• III set: Türkiyə – İtaliya 12:25
• IV set: Türkiyə – İtaliya 25:21
• V set: Türkiyə – İtaliya 15:10

Türkiyə millisi finalda göstərdiyi əzmkarlıq sayəsində CEV Avropa çempionatının qızıl medalına sahib çıxıb.