“Üçüncü titul ardıcıl olaraq möhtəşəm səslənir”

Dördqat “Böyük dəbilqə” çempionu, dünya reytinqinin lideri Arina Sabalenko ABŞ Açıq Çempionatında (“US Open”) üçüncü dəfə ardıcıl qalib olacağı halda, Qazaxıstan təmsilçisi Yelena Rıbakininin dünya reytinqində birinci pilləyə yüksəlməsi ilə bağlı fikirlərini bölüşüb.

90deqiqe.Az xəbər verir ki, belaruslu tennisçi mətbuat konfransında bu barədə danışıb.

“Bundan çox xoşbəxt olardım. Hər halda, mənim üçün fərqi yoxdur. Əlbəttə, üçüncü titulun ardıcıl olaraq qazanılması möhtəşəm səslənir”, – deyə Sabalenko bildirib.

Qeyd edək ki, Sabalenko 1/4 finalda Çexiya təmsilçisi Linda Noskovanı (reytinqdə 6-cı) 7:6 (7:1), 3:6, 7:6 (10:7) hesabı ilə məğlub edib.

Belaruslu tennisçi finala vəsiqə uğrunda ABŞ təmsilçiləri Cessika Pequla və Emma Navarro arasındakı görüşün qalibi ilə qarşılaşacaq.